امرأة تحت المجهر
المشهد الأول:
الأم تكنس و بناتها
يساعدانها في ترتيب المنزل و ابنها نائم ، فتحاول ايقاضه ، لكنه يرفض و يبدأ
بالصراخ في وجهها ، ثم يحاول أخذ النقود منها لأنها رفضت.
الأم: نوض يا ولدي
نوض راها 10 خلي خواتاتك يسقدو بلاصتك. بصوت منخفض و احساس منزعج
الابن : قوتلك شحال
من مرة ماتزيدش تنوضني و ماتحشمش لا نتينا لا بناتك . بصوت مرتفع و نبرة تهديد
الأم :علا ش راك تزقي
يا ولدي أنا يماك ماشي عدوتك
بصوت مرتفع
و بحرقة
الابن : بركانا م
الهدرة الخاوية و اعطيني الدراهم يخصني نشري الدخان أمر
الأم: واش من دراهم ما عنديش ما شفيتكش نخدم برا و
نخدم ف الدار عليك و لا علا خواتاتك
الابن: علابالي
بلي راك تخبي عليا الدراهم سمعتك تهدر مع بناتك جيب لهنا جيب لهنا والله يلى تجيبم
الابن يضرب أمه و
يسقطها أرضا و بناتها يبكين و يقولون:
اييه
مالك هادي يما مالك صراخ في
المنزل
الأم : تحمل
يديها الى السماء و بناتها حولها بعدما انصرف الابن و معه النقود و تقول : يا ربي
اعطيه الموت و هنيني منو يا ربي خلصني فيه ياربي يا ربي بكاء البنات في نفس الوقت
الأم : يا ربي الحمد
لله يا ربي اسمحلي يا ربي راني معدبة نظل نهار كامل نخدم برا و كي ندخل الدار نصيب
ولد كيما هادا.
البنات : -
ماعليش يا يما ربي يخلص
ربي يخلص هنا ف
الدنيا قبل الآخرة
مع بكاء الأم.
المشهد الثاني:
يعود الولد منتشيا
بالمخدرات و يحمل سيجارة
البنت الكبرى: علاش
ضربت يما ماتحشمش هاذي يماك و زيد داخل تتمايل راك حاب تحرينا من هاذ الدار يبالي.
الابن: ينا
ضربتا هيا ، نتينا ما كان ما دخلك و تزيد تهدر نزيدك معاها ،
و يخرج من المنزل و
هو يقول هاذي ماشي دار كرهتكم كرهتكم – دار الهم.
المشهد الثالث:
يعود بعد لحظات الابن
و هو يصرخ و يبكي و ينادي الابن: يا يما يا يما
البنت الصغرى: واش
كاين واسم صرا ، آآآآآآآ مليح ربي جابهالك دروك نقول ربي راه يخلص.
الابن: بلع فاك
بلع فاااااااااك
الأم : خليوه بلاك
يرجع لعقلو و يعرف بلي أنا لي رفدتو 9 أشهر و كبرتو و قريتو و دروك ولا يضربني ،
خليــــوه يرجع لعقلو
الابن: خرجوا عليا
خرجو عليا خرجوا عليــــــا بصراخ
يحاول أن يطردهم من المنزل
المشهد الرابع:
يسمع الجيران الصراخ
و يتدخلون
الجارة الأولى: يا
جارتي واش كاين هاد الشي قاع علا هاد الولد ، مايربحش هاد الولد والله مايربح
الجارة الثانية: ولدك
راه مشيبنا قاع ماشي غير نتي ، يا تربيه يا تداويه
الجارة الثالثة: و الله
و جا عندي ولد كيما هادا نقتلو ، و ديجا لابوليس راهم ماجيين عيطتلهم.
في هذه اللحظة تدخل
الشرطة
الشرطي 1 : وين راه هاذ الراجل اللي يضرب يماه و يحب يحري
خواتاتو م الدار
و تأخذ الشرطة الابن
مع بكاء الأم و بناتها يحاولان اسكاتها
الأم: علاش
يا ولدي فضحتنا علاش يا ولدي علاش يا ولدي بهدلتنا
البنات: - صايي
يا يما صايي
مايستاهلش باش تبكي
عليه
في هذه اللحظة تنهار الأم
و تسقط تمثيل
الموت
و البنات يصرخون: - يما
ماتت يما ماتت يا ناس
يا يما يا يما علاش يا خاي عملت هاذ الشي
الجيران: - تهنيت
قتلت يماك
يماك ماتت
يا الراجل يماك ماتت
يماك ماتت
يهرب الابن من الشرطة
و يرتمي في حضن أمه بعد فوات الأوان
في ظل صراخ البنات
الابن: يا يما
سمحلي يا يما سمحلي يا يما أنا للي سبابك
و ينظر الى السماء يا
ربي رجعلي يما يا ربي رجعلي يما يا ربي سمحلي يا ربي يا ربي...
تعليقات
إرسال تعليق